O‘zbekiston dunyoning eng xavfsiz mamlakatlari ro‘yxatida ikkinchi o‘rinda joylashdi

TOShKENT, 5-avgust — Sputnik. Gallup xalqaro tadqiqot kompaniyasi dunyoning eng xavfli va xavfsiz mamlakatlari ro‘yxatini e’lon qildi. O‘zbekiston eng xavfsiz mamlakatlar ro‘yxatida 2-o‘rinda qayd etildi.

Tahlil davomida 135 ta mamlakat maydoni, xvfsizlik holati, qonun ustuvorligi va tartib kabi bir necha toifalar bo‘yicha so‘rovnomalar o‘tkazilib, baholandi.

Mamlakatlar 100 ball tizimida baholandi. Ro‘yxatning 1-o‘rnini 97 ball bilan Singapur egalladi. O‘zbekiston 95 ball bilan 2-o‘rinda joylashdi. Islandiya 92 ball bilan 3-o‘rinda.

Dunyoning eng xavfli mamlakati deb esa Venesuela e’lon qilindi.