TOShKENT, 1-avgust — Sputnik. Moskva viloyat sudida "GTA to‘dasi" ishi bo‘yicha sudlanayotganlar otishmaga sababchi bo‘lishdi.
Soqchilar besh mahbusni sud majlisi bo‘lib o‘tadigan zalga olib chiqayotganida ikki mahbus soqchilarga hujum qilgan va soqchilardan birining qurolini egallab olishgan.
Maxsus gvardiya askarlari bilan bo‘lib o‘tgan otishmada mahbuslarning uch nafari o‘ldirilgan.
GTA bandasi Moskva viloyatida haydovchilarni o‘ldirish bilan shug‘ullanib kelgan terrorchilar jinoiy guruhi bo‘lib, asosan M4 "Don" trassasida qotilliklar amalga oshirgan. Ularning jinoyatlari Grand Theft Auto kompyuter o‘yinidagi singari amalga oshirilgani bois OAV ularni "GTA to‘dasi" deb atagan.
Ma’lumotlarga qaraganda, ular 17 kishining umriga zomin bo‘lishgan.
