TOShKENT, 26-iyul — Sputnik. O‘zbekiston xalq artisti Ozodbek Nazarbekov "Yoshlar" teleradiokanali direktorligidan ketdi. Bu haqda UZ24 o‘z manbasiga tayanib xabar bermoqda.
Xabarda aytilishicha, xonanda o‘z ixtiyori bilan ushbu lavozimdan ketmoqchiligini rahbariyatga ma’lum qilgan.
Tasdiqlanmagan ma’lumotlarga qaraganda, u telekanalda bosh produser sifatida faoliyatini davom ettiradi.
Eslatib o‘tamiz, O‘zbekiston prezidenti Ozodbek Nazarbekovni "Yoshlar" teleradiokanali direktori etib tayinlagan edi.
O‘tgan haftada uning tashabbusi bilan tayyorlangan yangi teleloyiha efirga uzatilgandi.
Sputnik O‘zbekiston muxbiri ushbu xabarga aniqlik kiritishni so‘rab O‘zbekiston Milliy teleradiokompaniyasiga qo‘ng‘iroq qilganida, MTRK xodimi mazkur xabarni na tasdiqlay va na inkor qila olishini bildirdi.
