Ozodbek Nazarbekov "Yoshlar qabulxonasi" ko‘rsatuvida boshlovchilik qiladi

© Instagram / ozodbek_official_pageNarodniy artist Uzbekistana Ozodbek Nazarbekov
Narodniy artist Uzbekistana Ozodbek Nazarbekov - Sputnik O‘zbekiston
Obuna bo‘lish
"Yoshlar" teleradiokanali direktori Ozodbek Nazarbekov telekanal faoliyati bilan bog‘liq ijodiy rejalari, loyihalari haqida ma’lum qildi

TOShKENT, 18-iyul — Sputnik. Joriy yil 20-iyul kuni Yoshlar telekanalida "Yoshlar qabulxonasi" yangi ko‘rsatuvi efirga uzatiladi. Bu haqda shoir Muhammad Ismoil Facebookdagi sahifasida post yozib qoldirdi.

Narodniy artist Uzbekistana Ozodbek Nazarbekov - Sputnik O‘zbekiston
Kamolot tugatildi, Ozodbek Nazarbekov "Yoshlar"ga rahbar bo‘ldi

Unda yozilishicha, "Yoshlar" telekanalida bir qancha yangi teleloyihalar tayyorlanmoqda. Ulardan biri "Yoshlar qabulxonasi" ko‘rsatuvi bo‘lib, u Ozodbek Nazarbekov tashabbusidir. Ko‘rsatuvda uning o‘zi boshlovchilik qiladi. Ko‘rsatuv 20-iyul, payshanba kuni kechki dasturlarda ilk efir yuzini ko‘radi.

"Ushbu ko‘rsatuv bugungi kunda Oliy o‘quv yurtlariga kirish uchun hujjat topshirgan abituriyentlarga, ularning oldida turgan muammolarga, to‘siqlarga, qiyinchiliklarga bog‘ishlanadi. Viloyatlardan kelgan abituriyentlar qayerga joylashdi? Imtihonlarga tayyorgarlik ko‘rish uchun qanday shart- sharoitlar yaratildi? Ularga qanday yengilliklar yaratishimiz kerak? Ko‘rsatuv tayyorlash jarayonida juda ko‘p abituriyentlar, institut xodimlari, Oliy ta’lim rahbarlari bilan bog‘landik, vazir o‘rinbosari bir qancha tanqidiy fikrlarimizga javob berdi", — deydi telekanal rahbari Ozodbek Nazarbekov.

Shuningdek, xabarda aytilishicha, telekanalda O‘zbekistondagi mavjud partiyalar faoliyati, deputatlar, kadrlar tayyorlash jarayoni, kollej va maktab kabi dolzarb mavzularga bag‘ishlangan muhokama va munozara shaklidagi ko‘rsatuvlar ham tayyorlanmoqda.

O‘zbekistonning taniqli shaxslari, jumladan, Islom Karimov, Sharof Rashidovlarning hayoti va faoliyati haqida xikoya qiluvchi turkum filmlar ham suratga olinmoqda. Qolaversa, "Kak stat millionerom?" ("Qanday qilib millioner bo‘lish mumkin?"), "Golos" ("Ovoz") kabi mashhur ko‘rsatuvlarning xorijdagi mualliflari bilan, shu ko‘rsatuvlarning o‘zbekcha variantini tayyorlash borasida shartnomalar imzolanmoqda.

"Xullas, ijodiy rejalarimiz juda katta. Xudo quvvat bersa, bu loyihalarni albatta amalga oshiramiz… Menga ishonch bildirganliklari uchun muhtaram Prezidentimiz Shavkat Miromonovich Mirziyoyevdan juda minnatdorman", — deydi Ozodbek Nazarbekov.

 

Yangiliklar lentasi
0