TOShKENT, 13-iyul — Sputnik. Aprel oyining o‘rtalaridan Samarqand shahrida tramvaylar harakati ishga tushirilgan edi. Ishga tushirilganidan ko‘p vaqt o‘tmay simog‘ochni urib qulatgan tramvay shu kungacha o‘ninchi, ayrim foydalanuvchilarning yozishicha esa o‘n beshinchi Damasni urib, pachaq qilgan.
Internet foydalanuvchilari bu hodisaga o‘z munosabatlarini quyidagicha bildirishmoqda:
"Tramvaydan foydadan ko‘ra zarar ko‘proq ko‘rinadi", — deb yozgan Blob Rhyda.
"Odamlarimiz juda qiziqda. Ustun, tramvay, rels, chumchuqlardan ayb izlashadi. Faqat haydovchidanmas", — degan Leyla Usmanova.
"Yoz bo‘yi tramvay va Damas to‘qnashuvlariga nechanchi bor guvoh bo‘lmoqdamiz. Qish kelsa unda ahvol ne kechadi", — degan yana bir foydalanuvchi.
"Samarqandga tramvay shart emasdi, shahar yo‘llari tor bo‘lsa axir", — degan Islom Saidumarov.
"Samarqandda tramvay paydo bo‘lganidan faqat xursand bo‘lish kerak, ular hisobiga shahrimiz ko‘rkiga ko‘rk qo‘shildi" — degan Faridka Xodjayeva.
