TOShKENT, 6-iyul — Sputnik. So‘nggi bir hafta davomida Nukus shahrida havo harorati keskin ko‘tarilib ketgani sababli shahardagi ayrim bolalar bog‘chalarida vaqtincha ta’til e’lon qilindi, deb yozadi karinform.uz.
"Ota-onalarning bergan ma’lumotlariga ko‘ra, 5-iyuldan 10-iyulga qadar ta’til berilgan.
Mazkur ta’til havo haroratiga qarab yana uzaytirilishi mumkin", deyiladi xabarda.
Eslatib o‘tamiz, O‘zbekiston gidrometeorologiya markazi respublika bo‘yicha havo harorati o‘rtacha ko‘p yillik qiymatlaridan 4-6 darajaga yuqori bo‘lgan juda issiq ob-havo saqlanib turishi haqida xabar bergandi.
