TOShKENT, 4-iyul — Sputnik. Yer shari aholisi qarimoqda. Bu ayniqsa rivojlangan mamlkatlar misolida yaxshi kuzatilmoqda, deydi "MEDSI" klinikasi onkologiya bo‘limi boshlig‘i Vladimir Lyadov.
Avvalombor, saraton – bu keksalar kasali. U genlar mutatsiyasi (o‘zgarishi) oqibatida kelib chiqadi. Inson organizmida yillar o‘tgan sari mutatsiya qilgan genlar soni ko‘payib boradi. Shuning uchun ham mamlakatda o‘rta yoshdan o‘tgan aholi soni qancha ko‘p bo‘lsa, saraton kasalligiga chalinganlar soni ham shuncha ko‘p bo‘ladi. Shuning uchun ham aholining o‘rtacha yoshi katta bo‘lgan, rivojlangan mamlakatlada saraton kasalligiga chalinganlar soni ko‘p.
Rossiyada inson o‘limiga olib keladigan kasalliklar orasida birinchi o‘rinda yurak-qon tomir kasalliklari bo‘lsa tibbiy xizmatlar sohasi rivojlangan Yevropa, AQSh, Yaponiya, Janubiy Koreya kabi rivojlangan mamlakatlarda bu – onkologik kasalliklardir.
Onkologik kasalliklarga qarshi samarali kurashishning iloji yo‘q. Shuningdek, ushbu kasallikka olib keluvchi sabablarni aniqlashning ham iloji yo‘q, lekin hozircha ma’lum bo‘lgan sabablar orasida birinchi o‘rinda chekish turadi. Chekish rak kasalligiga chalinish ehtimolini 20 baravarga oshiradi.
Ikkinchi o‘rinda, rivojlangan mamlakatlar statistikasiga ko‘ra — semizlik va kam harakatlanishdir. Bular bir-biriga bog‘liq bo‘lgan sabablardir. Semiz fuqarolarda metabolik yo‘llar buziladi. Organizmda yog‘ to‘qimalarining o‘sishiga sabab bo‘layotgan faktorlar saraton o‘smalarining o‘sishiga ham sabab bo‘lishi mumkin.
