TOShKENT, 2-iyul — Sputnik. Kollej o‘quvchilari va ularning ota-onalari Toshkent IIBBning voyaga yetmaganlar orasida jinoyatchilikka qarshi kurash bo‘limiga 50 kishi imzolagan arznoma topshirishdi, deb xabar qilmoqda nuz.uz sahifasi.
IIBB xodimi Ulug‘bek Mahkamov aytishiga qaraganda, kollejda haqiqatdan ham kaltaklash hollari sodir bo‘lgan bo‘lsa, buni darhol tibbiy muassasada tasdiqlash kerak edi. O‘shanda bu jinoiy ish qo‘zg‘atish uchun asos bo‘lardi. Hozircha barcha ayblovlar bolalarning ko‘rsatmalariga asoslangan, dedi IIB xodimi.
Huquni saqlash protsedurasiga ko‘ra, arznomaga imzo qo‘ygan bolalar ota-onalari ishtirokida ko‘rsatma berishadi. Undan keyin jinoiy ish qo‘zg‘atish yoki qo‘zg‘atmaslik ma’lum bo‘ladi.
Ota-onalar aytishiga qaraganda, bolalar ularni kaltaklashayotgani haqida vaqtida aytishmagan, chunki buning oqibatlaridan qo‘rqishgan.
O‘z navbatida, kollej direktori va uning ikki o‘rinbosari bolalar va ota-onalarni tuhmatda ayblab, ularga qarshi ariza berishgan.
