TOShKENT, 22-iyun — Sputnik. Qozog‘istonning Aktubin viloyatida sodir bo‘lgan dahshatli YTH oqibatida O‘zbekiston Respublikasining 9 nafar fuqarosi halok bo‘ldi. Yana 43 nafar inson jarohatlangan. Shulardan 17 nafari O‘zbekiston fuqarolaridir.
"Jarohatlanganlarning barchasi tuman Markaziy shifoxonasiga olib ketildi. Jarohat olganlar orasida og‘ir bemorlar yo‘q", — deb javob berdi "Ishonch telefoni" operatori.
Ayni vaqtda halok bo‘lgan va jarohat olgan O‘zbekiston fuqarolari haqida hech qanday ma’lumot yo‘q.
Qozog‘iston FVV vakilining aytishicha, ayni vaqtda hodisa haqida O‘zbekiston tomon xabardor etilgan.
O‘zbekiston Tashqi ishlar vazirligi matbuot-xizmati ushbu avariya bo‘yicha izoh bermayapti.
"Barcha ma’lumotni saytda e’lon qilamiz", — deb javob berdi matbuot-xizmati xodimi.
