TOShKENT, 12-iyun — Sputnik. O‘zbekiston delegatsiyasi "Markaziy Osiyo — BMT" muloqotida ishtirok etadi, deb xabar qildi O‘zbekiston TIV matbuot-xizmati.
"2017-yilning 13-iyun kuni O‘zbekiston Respublikasi Tashqi ishlar vaziri Abdulaziz Kamilov boshchiligidagi delegatsiya Ashxobod shahrida bo‘lib o‘tadigan yuqori darajadagi "Markaziy Osiyo — BMT" muloqotida ishtirok etadi", — deyilgan xabarda.
BMT Bosh kotibi Antoniu Guterrish raisligidagi forumda Qirg‘iziston, Qozog‘iston, Tojikiston, Turkmaniston va O‘zbekiston tashqi ishlar vazirliklari rahbarlari ishtirok etadilar.
Qayd etilishicha, tomonlar BMTning Global aksilterror strategiyasini Markaziy Osiyoda amalga oshirish masalalari va boshqa dolzarb mavzular yuzasidan fikr almashadilar.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
