TOShKENT, 9-iyun — Sputnik. Rossiya prezidenti Vladimir Putin "Islom davlati" tashkiloti Markaziy Osiyo va Rossiya janubida vaziyatni izdan chiqarish bo‘yicha reja tayyorlayotganini ma’lum qildi, deb xabar bermoqda RIA Novosti.
Ostonada bo‘lib o‘tayotgan ShHT sammitida Putin Peterburgdagi teraktlardan keyin olib borilgan tergov jarayonida tashkilotga a’zo mamlakatlar hududlarida IDning yashirin guruhlari faoliyat olib borayotgani ma’lum bo‘lganini aytgan.
"Bizdagi ma’lumotlarga qaraganda, ID Markaziy Osiyo va Rossiya janubida vaziyatni izdan chiqarish bo‘yicha reja tayyorlamoqda. ShHTning maxsus xizmatlari, xususan mintaqaviy antiterror tuzilmasining o‘zaro hamkorligini mustahkamlash lozim", — degan Putin.
