TOShKENT, 2-iyun — Sputnik. GM Uzbekistan yetkazib beriladigan mahsulotlar ketma-ketligini real vaqt rejimida kuzatish imkonini beruvchi elektron arizalarni ro‘yxatga olish tizimini joriy qildi.
Kompaniya fikricha, bu avtomobillar sotuvining shaffofligini ta’minlaydi.
Arizalar holatini GM Uzbekistan rasmiy saytida kuzatib borish mumkin.
Elektron arizalarni ro‘yxatdan o‘tkazish uchun rasmiy dilerlik avtosalonlaridan biriga murojaat qilish kerak bo‘ladi.
Avtosalon xodimlari tomonidan elektron arizani ro‘yxatdan o‘tkazish rad etilganda, qo‘shimcha mukofotlar yoki boshqa g‘ayriqonuniy xatti-harakatlar talab qilinganda GM Uzbekistanning +99871 147 14-14 raqamli ishonch telefoniga murojaat qilish mumkin.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
