TOShKENT, 1-iyun — Sputnik. Kozim To‘laganov O‘zbekiston Respublikasi Davlat arxitektura va qurilish qo‘mitasi raisining o‘rinbosari lavozimiga tayinlandi, deb xabar bermoqda O‘zbekiston Respublikasi Hukumat portali.
"2017 yil 30-maydagi O‘zbekiston Respublikasi Prezidentining PQ-3020-son qaroriga muvofiq To‘laganov Kozim Nosirovich — O‘zbekiston Respublikasi Davlat arxitektura va qurilish qo‘mitasi raisining o‘rinbosari — Arxitektura-qurilish nazorati davlat inspeksiyasi boshlig‘i lavozimiga tayinlandi", deyiladi xabarda.
Kozim To‘laganov 1997-2001 yillarda Toshkent shahri hokimi, 2001-2004 yillarda bosh vazir o‘rinbosari va Toshkent viloyati hokimi (2005 yilgacha) sifatida ishlagan.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
