TOShKENT, 31-may — Sputnik. Joriy yildan boshlab 7200 nafar o‘zbekistonliklar haj safarini, kelgusi yildan boshlab esa 10 ming nafar yurtdoshimiz umra ziyoratini ado etishi rejalashtirilgan, deb xabar bermoqda O‘zbekiston musulmonlari idorasi axborot xizmati.
Xabarga ko‘ra, bu haqda Din ishlari bo‘yicha qo‘mita raisi O.Yusupov ma’lum qilgan.
Hozirga qadar har yili yurtdoshlarimizdan 5 ming nafari haj safarini hamda 6 ming nafari umra ziyoratini ado etib kelishayotgan edi, deyiladi xabarda.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
