TOShKENT, 27-may — Sputnik. Ramazon oyi davomida Toshkentning bir qator masjidlaridagi tarovih namozlari onlayn yoritib boriladi. Bu haqda O‘zbekiston musulmonlari idorasi rasmiy portali ma’lum qildi.
"Portalimizning Facebook ijtimoiy tarmog‘idagi https://www.facebook.com/muslimuzportal/ sahifasi orqali poytaxtimizning bir qator masjidlaridagi tarovih namozlari tarovati va qorilarimizning Qur’on tilovatlarini onlayn yoritib borish amalga oshiriladi", deyiladi xabarda.
Xabarda aytilishicha, Ramazon oyi davomida har kecha xushnafas qorilar tilovatidan Telegram messenjeridagi @muslimuzportal kanali orqali ham bahramand bo‘lish mumkin.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
