TOShKENT, 23-may — Sputnik. O‘zbekiston milliy terma jamoasi va Moskvaning "Lokomotiv" klubi a’zosi Vitaliy Denisov Rossiya futbol ittifoqi (RFI) tomonidan Rossiya futbol Premyer-ligasi (RFPL)ning 2016/17 yilgi mavsumida eng yaxshi chap qanot himoyachilari qatoridan joy oldi.
Rossiya futbol ittifoqi Rossiya chempionati 2016/17 yilgi mavsumining eng yaxshi 33 futbolchisi nomini e’lon qildi. Mazkur 33 talik ro‘yxatda har bir pozitsiyaga uch nafardan futbolchi tanlab olindi.
O‘zbekiston terma jamoasi himoyachisi Vitaliy Denisov chap qanot himoyachisi pozitsiyasida "Spartak" vakili Dmitriy Kombarov hamda "Zenit" futbolchisi Dominiko Krishito bilan eng yaxshi himoyachilar qatorida e’tirof etildi.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
