TOShKENT, 21-maya — Sputnik. Toshkent ko‘chalarida o‘rnatilgan videoqayd kameralari o‘tgan hafta davomida 8078 marotaba YHQ buzish holatlarini aniqlagan.
Shundan qizil chiroqqa o‘tish holati 4201-martani, tezlikni oshirish holati 3877-martabani tashkil qilgan.
Toshkent shahar IIBB YHX nazorati xizmati xodimlari tomonidan 17560 qoidabuzarlik aniqlangan. Undan tashqari poytaxt ko‘chalarida 22 YTH sodir bo‘lgan, 5 kishi qurbon bo‘lgan va 17 kishi jarohatlangan.
Toshkent shahar IIBB YHX nazorati xizmati kameralar o‘rnatilganidan keyin shahar ko‘chalarida qoidabuzarliklar va YTHlar soni 2 baravar kamayganini qayd qilmoqda. 2016-yilning aynan shu davrida 34 ta YTH sodir bo‘lib, ularda 5 kishi qurbon bo‘lgan va 48 kishi jarohatlangan.
Eslatib o‘tamiz Toshkent ko‘chalarida videoqayd kameralari 15-martdan boshlab ishlay boshladi. Hozircha kameralar qizil chiroqqa o‘tish va harakat tezligini oshirish kabi qoidabuzarliklarni qayd qilmoqda.
Podrobno.uz xabariga asosan.
