TOShKENT, 19-may — Sputnik. Samolyot mahalliy vaqt bilan soat 04-40da Toshkent xalqaro aeroportidan havoga ko‘tarilib, belgilangan manzillarga muvaffaqiyatli qo‘ndi. Bu haqda milliy aviakompaniya matbuot xizmati xabar berdi.
Samolyotda 238 nafar yo‘lovchilar bo‘lib, ulardan 59 nafari Rigaga hamda 179 nafari Nyu-Yorkka parvoz qildi.
Yo‘lovchilar yangi Boeing-787 Dreamlinerda mavjud bo‘lgan barcha qulaylik va xizmat ko‘rsatishni yuqori baholashdi.
Eslatib o‘tamiz, milliy aviakompaniya Boeing 787 Dreamliner samolyotidan 2016-yil sentabr oyidan boshlab tijoriy foydalanishni boshladi.
Bugungi kunda "Orzu layneri"lari Dubay, Istanbul, Tel-Aviv, Frankfurt, Moskva, Kuala-Lumpur va Singapur shaharlariga parvozlarni muvaffaqiyatli amalga oshirmoqda.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
