TOShKENT, 16-may — Sputnik. Toshkent shahar IIBB tomonidan talonchilik jinoyati bo‘yicha qidiruvda bo‘lgan 4 nafar shaxslar qo‘lga olindi. Bu haqda Toshkent shahar IIBB xodimi xabar berdi.
2017 yil 19 va 29-aprel kunlari noma’lum shaxslar tomonidan Olmazor tumanida va Shayxontoxur tumanida ikkita talonchilik jinoyati sodir etilgan. Jinoyatchilar voqea joyidan yashiringanlar.
1989 yilda tug‘ilgan, muqaddam bir necha marotaba sudlangan, Shayxontohur tumanida yashovchi Olimjon Ravshanovich Azimov, 1993-yilda tug‘ilgan, muqaddam sudlangan, Olmazor tumanida vaqtinchalik yashovchi Sobirjon Mirfayzi o‘g‘li Axmedov, 1990-yilda tug‘ilgan, Olmazor tumanda yashovchi Azizjon Axmedjanovich Axrarov, 1991-yilda tug‘ilgan, Olmazor tumanida yashovchi Sherzod O‘lmas o‘g‘li Mirzabekovlar aniqlanib ushlandilar.
Ular bilan olib borilgan tezkor-surishtiruv ishlari davomida A.A.Axrorov boshqaruvi bo‘lgan "Spark" rusumli avtoulovda O.R.Azimov va S.M.Axmedovlar bilan, shuningdek Sh.O‘.Mirzabekovning boshqaruvida bo‘lgan "Matiz" rusumli avtoulovda O.R.Azimov va S.M.Axmedovlar bilan joriy yilning 11-may kuni soat taxminan 21-40 larda, Shayxontoxur tumani yashovchi fuqaroning bo‘ynidan bahosi 4 mln so‘mlik tilladan ishlangan zanjirni talonchilik yo‘li bilan tortib yulib voqea joyidan yashiringanliklari aniqlangan.
Hozirda ular bilan Toshkent shahri hududida sodir etilib, ochilmay qolgan boshqa jinoyatlar yuzasidan tezkor-surishtiruv ishlari olib borilmoqda.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
