TOSHKENT, 4 may — Sputnik. BMTning inson huquqlari boʻyicha oliy komissari Zayd Raad al Husayn boshchiligidagi delegatsiya 10-12 may kunlari Oʻzbekistonda rasmiy tashrif bilan boʻladi. Bu haqda "Podrobno.uz" maʼlum qilmoqda.
Zayd Raad al Husaynning Oʻzbekistonga tashrifidan maqsadi Oʻzbekiston va Inson huquqlari boʻyicha oliy komissar boshqarmasi oʻrtasidagi hamkorlikning bugungi holati hamda ikki tomonlama manfaatlarni aks ettiruvchi sohalarda kelgusi hamkorlikni rivojlantirishni muhokama qilishdir.
Oliy komissar Oʻzbekistonga tashrifi chogʻida xalqaro press-klubda tashrif yakunlari boʻyicha chiqish qilishi kutilmoqda.
Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.
