TOShKENT, 9 mar — Sputnik. O‘zbekistondagi vaziyat xususida to‘xtalar ekan, al-Husayn mamlakatning yangi prezidenti odil sudlov tizimi samaradorligini oshirish, adolatli va mustaqil sud jarayonlarini ta’minlashga qaratilgan qonunlar qabul qilayotganligini e’tirof etdi. Bu haqda BMT Radiosi xabar bermoqda.
"Yaqinda, oktabrda huquq sohasidagi islohotlar haqidagi qonunda sudlar mustaqilligi va odil sudlov jarayonlarining shartlari ifodalab berildi. Mazkur qonunlarning joriy etilishi butun O‘zbekiston xalqi uchun kelgusidagi ijobiy o‘zgarishlar borasida muhim ahamiyat kasb etadi", — dedi u.
Zayd Raad al-Husaynning fikricha, qator mahkumlar, jumladan, 18-yildan buyon qamoqda saqlangan jurnalist Muhammad Bekjonovning ozodlikka chiqarilishi qabul qilingan qonunlarning amaliy natijasidir.
