TOShKENT, 5 apr — Sputnik. Markaziy Osiyo davlatlaridan bo‘lgan 6 nafar fuqaro Sankt-Peterburgda terrorni amalga oshirishda ko‘maklashganlikda ayblanib qo‘lga olindi, deb xabar qildi chorshanba kuni Rossiya Tergov qo‘mitasi matbuot-xizmati.
"2017 yilning 5-aprel kuni Rossiya Federal Xavfsizlik Xizmati va Rossiya IIV regional boshqarmalari, hamda Rossiya Milliy Gvardiyasi maxsus bo‘linmalari hamkorligida olib borilgan tergov harakatlari va tezkor-qidiruv tadbirlari natijasida, Rossiyaga ishlash uchun kelgan 6 nafar Markaziy Osiyo davlatlari fuqarolari qo‘lga olindi", — deyiladi xabarda.
Tergov qo‘mitasi ma’lumotlariga ko‘ra, gumonlanuvchilar 2015-yilning noyabridan boshlab hozirgi vaqtga qadar Sankt-Peterburg hududida Markaziy Osiyo davlatlari fuqarolarini "Jabhat-an-Nusra" va "Islom davlati" terrorchilik uyushmalariga a’zolikka yollash bilan shug‘ullangan.
Gumonlanuvchilarning yashash joylarida o‘tkazilgan tintuv natijasida ekstremistik adabiyotlar, jinoiy javobgarlikka asos bo‘la oladigan predmet va hujjatlar olib qo‘yilgan.
Qo‘lga olinganlar Peterburg metrosida teraktni amalga oshirgan fuqaro bilan bog‘liqligi haqida aniq ma’lumotlar yo‘q.
Qo‘lga olinganlarning barcha tanish-bilishlari sinchkovlik bilan tekshirilishi aytilmoqda.
