TOShKENT, 1 apr — Sputnik. Poytaxt chorrahalarida ishlayotgan kameralardan avtomashinasi raqamini yashirish uchun turli hiylalardan foydalangan haydovchilar vaqtincha mashinasiz qolishlari mumkin, deb xabar bermoqda Podrobno.uz.
IIBBning ma’lumot berishicha, davlat raqam belgilarini to‘liq ko‘rishga to‘sqinlik qiluvchi turli jism va qoplamalardan foydalanish qoidabuzarlik ekanligi O‘zbekiston ma’muriy javobgarlik haqidagi Kodeksining 127-moddasida ko‘rsatilgan. Unga ko‘ra, bunday qoidabuzarlikni sodir etgan haydovchilar eng kam ish haqining bir baravaridan uch baravarigacha, mansabdor shaxslar esa uch baravardan besh baravargacha miqdorda jarima to‘laydilar.
Bunda YHXB xodimi turli usullar bilan davlat raqami yashirilgan avtomobilni vaqtinchalik jarima maydoniga olib kirish huquqiga ega.
