Samarqand shahar 1-tug‘ruqxona bosh iqtisodchisi katta pora olayotganda qo‘lga tushdi

TOShKENT, 25 mar — Sputnik. Camarqand viloyati huquqni muhofaza qilish organlari xodimlari Samarqand shahar 1-tug‘ruqxona Bosh iqtisodchisi Anvar Ochilovni 2400 dollar pora olayotgan joyida qo‘lga oldilar, deb xabar qildi Sputnik O‘zbekiston muxbiriga kuch tuzilmalaridagi manba.

Milliy xavfsizlik xizmati Samarqand viloyatibo‘limiga murojaat qilgan shaxs Anvar Ochilov uning ikki qarindoshini ushbu tug‘ruqxonaga hamshiralikka joylab qo‘yish uchun chet el valyutasida pora talab qilayotganini ma’lum qilgan.

Arizachiga ko‘ra ikki ayol ham o‘rta-maxsus ma’lumotga ega.

Huquqni muhofaza qilish organlari ma’lumotlariga ko‘ra, Achilov daromad olish maqsadida o‘z xizmat lavozimidan foydalangan holda tug‘ruqxonaga pul evaziga ishga joylab qo‘yish mexanizmini yo‘lga qo‘yib olgan. Va bu bilan ayni vaqtda sog‘liqni saqlash sohasida o‘tkazilayotgan islohotlarga tamomila zid harakat qilgan.

Hamkasblari Anvar Achilovga kibrli, ochko‘z va avanturalarga moyil shaxs deya ta’rif berganlar.

Ushbu holat yuzasidan tergov ishlari davom etmoqda.