TOSHKENT, 23 mar — Sputnik. OICA maʼlumotlariga koʻra, oʻtgan yil davomida Oʻzbekistonda 88 152 ta avtomobil ishlab chiqarilgan. Bu 2015 yilga nisbatan 52,5 %ga kam.
Shuni aytib oʻtish kerak-ki, Oʻzbekistonda ishlab chiqariladigan avtomobillarning asosiy "isteʼmolchisi" boʻlgan Rossiyada 2014 yilda yuz bergan iqtisodiy tanglik, bu yerda avtomobillar savdosi keskin kamayishiga olib keldi.
2014 yilda Oʻzbekistonda 245 660 ta avtomobil ishlab chiqarilgan boʻlsa, 2015 yilda 185400 ta atvomobil ishlab chiqarildi. Bu 2014 yilga qaraganda 24,5% ga kam.
Eslatib oʻtamiz, avtomobil ishlab chiqarish boʻyicha Oʻzbekiston MDH mamalkatlari orasida ikkinchi oʻrinda turadi. Rossiyada 2016 yilda 1,3 mln dona avtomobil ishlab chiqarilgan.
Bugungi kunda Oʻzbekiston avtomobil ishlab chiqarish boʻyicha Gollandiya, Finlyandiya, Misr, Serbiya va Ukraina kabi mamalkatlardan oldinda.
