TOShKENT, 21 mar — Sputnik. GM Uzbekistan Ukrainaning yirik avtomobil xoldingi — AIS kompaniyalar guruhi bilan strategik hamkorlik to‘g‘risida kelishuv imzoladi. Bu haqda AUTO-Consulting xabar bermoqda.
AIS Ukrainaning 15 viloyatida Ravon avtomobillari savdosini rivojlantirish bilan shug‘ullanadi. Shu bilan bir vaqtda "Bogdan-Avto xolding" dilerlik markazlariga Ravon avtomobillarining yangi turkumi yetib keldi.
"Bogdan-Avto xolding" matbuot xizmatining ma’lum qilishicha, dilerlarga 2017-yilda ishlab chiqarilgan avtomobillar yetkazib berildi. Yangi Ravon R2 bir necha oy ichidayoq Ukraina bozorida eng ko‘p sotiluvchi avtomobilga aylandi.
Shu tarzda Ravon qisqa vaqt ichida Ukrainadagi eng yirik dilerlik tarmog‘ini shakllantirishga va butun mamlakat bozorlarini qamrab olishga erishdi.
