TOShKENT, 12 mar — Sputnik. "Toshkent tramvayi" unitar korxonasining bino va inshootlari auksion savdosiga qo‘yildi, deb xabar qilindi "Toshshahartransxizmat" rasmiy saytida.
Ochiq auksion savdosiga Toshkent shahri, Lutfiy ko‘chasi, 57-uyda joylashgan bino va inshootlar (boshlang‘ich bahosi 25 596 052 427 so‘m) va Toshkent shahri, Mirobod tumani, Yangi Qo‘yliq ko‘chasi, 40-uyda joylashgan bino va inshootlar (boshlang‘ich bahosi 9 025 062 970 so‘m) qo‘yilgan.
Auksion savdosi 2017—yil 4-aprel kuni soat 12:00 da bo‘lib o‘tadi.
Auksionda qatnashish shartlari bilan kompaniya rasmiy saytida tanishishingiz mumkin.
Eslatib o‘tamiz, 2016-yilning 2-may kuni Toshkentda harakatlanayotgan so‘nggi 17-yo‘nalishi yopilgan va shu tariqa Toshkent tramvayining 105-yillik tarixiga nuqta qo‘yilgan edi.
