TOSHKENT, 11 mar — Sputnik. Qurollangan shaxslar Afgʻonistondagi Xost provintsiyasida joylashgan harbiy aerodromga hujum uyushtirdi, deb xabar qilmoqda RIA Novosti Tolo News telekanaliga tayangan holda.
"Bir necha nafar qurollangan shaxslar Xost provintsiyasidagi harbiy aerodromga hujum qildilar. Toʻqnashuv davom etmoqda", — deb xabar qilgan telekanal oʻzining Tvitterdagi sahifasi orqali.
Jabrlanganlar bor-yoʻqligi nomaʼlum.
Nashr xabariga koʻra, ilgariroq jangarilar Afgʻoniston poytaxti — Qobul shahridagi harbiy gospitalga hujum qilgan. 50 nafar insonning bevaqt halok boʻlishiga olib kelgan ushbu hodisa uchun javobgarlikni "Islom davlati" terrorchilik uyushmasi oʻz zimmasiga olgan.
"ID" terrorchilik uyushmasining bu taʼkidiga qaramasdan, Afgʻoniston razvedka xizmati vakillari ushbu hujum ortida kim turganini bilish uchun oʻz surishtiruvini olib bormoqda.
