TOShKENT, 3 mar — Sputnik. Tojikiston Fan va ta’lim vazirligi o‘zining ushbu farmoni mamlakat yoshlarida vatanparvarlik hissini kuchaytirishga qaratilganini ma’lum qilgan edi.
"Rafiqam bilan o‘tgan yildayoq bir narsani anglab yetganmiz: milliy libos — pulni behudaga sarflash deganidir. O‘tgan yil Navro‘zda unga 200 somoniy(24 dollarga)ga ko‘ylak olib bergan edik. O‘sha vaqtda bunga "xop" deganimning boisi, farzandimiz endi maktabga qadam qo‘ygan edi. Sinfda boshqalardan kam bo‘lishini xohlamagan edim.Oddiy elektrik bo‘lsam, bunday xarxashalarni bajarishga qurbim hamisha ham yetavermaydi", — deya nolidi Rustam Nazarov.
Aytish joizki, mamlakat Ta’lim vazirligining mazkur farmoni aholi o‘rtasida qizg‘in muhokama qilinmoqda. Kimlardir Tojikiston Sog‘liqni saqlash vazirligi qayoqqa qarayotganidan yozg‘irsa (sovuq ob-havoda o‘quvchi-qizlarlarning aksariyati yengil oyoq kiyim va atlas ko‘ylakda maktabga borishga majbur bo‘lyapti), boshqalar esa tojik xalqidagi vatanparvarlik uchun yosh qizlar qurbonlik keltirishlari lozimmi, degan savolni o‘rtaga tashlashmoqda.
Muzokaralar qizg‘in davom etayotgan bir pallada Vazirlikdagilar bu farmonni bajarish majburiy emas, u shunchaki tavsiya xolos, deya tushuntirish berishga shoshilmoqda.
"Bu Farmonni bajarish shart emas. Cho‘ntagingizdagi so‘nngi chaqalarni yangi ko‘ylakka sarflang demayapti hech kim. Kimda shunga sharoiti bo‘lsa, yoki kimning milliy libosi bo‘lsa, o‘shalar kiyib kelsin. O‘g‘il bolalarga esa bu umuman tegishli emas", — deya aniqlik kiritgan Tojikiston Ta’lim vazirligi.
Jamoatchilik faoliyati bilan shug‘ullanuvchi Maryam Dovlatova esa vatanparvarlik va faxr tuyg‘usi kuch bilan singdirilmaydi, degan fikrda.
— Asl g‘urur tuyg‘usi va vatanparvarlik hissini kuch bilan singdirib bo‘lmaydi, bu tuyg‘ularni tarbiyalash kerak. Va bu uzoq davom etadigan, tirishqoqlikni talab etadigan ish. Boshqacha aytadigan bo‘lsak, agar biz bunga majburlaydigan bo‘lsak, u xalqda norozilik uyg‘otishi, uning g‘ashini keltirishi mumkin, — dedi u.
