TOShKENT, 27 fev — Sputnik. Rossiya Federatsiyasi va Qozog‘iston prezidentlari Vladimir Putin hamda Nursulton Nazarboyev norasmiy formatda suhbatlashdilar, deb xabar qildi RIA Novosti Rossiya rahbari matbuot-kotibidan olingan ma’lumot asosida.
"Ikkala davlat rahbarlari yakshanba kunini birgalikda, Olma-Ota yaqinidagi tog‘-chang‘i kurortida chang‘i uchgan holda o‘tkazdilar", — deyiladi xabarda.
Ma’lum qilinishicha, Putin va Nazarboyev Olma-Otada dushanba kuni rasmiy uchrashuv o‘tkazadilar, shundan so‘ng Putin Tojikiston va Qirg‘izistonga safar uyushtiradi.
Ushbu uchala tashrif bu davlatlar Rossiya bilan diplomatik aloqa o‘rnatganlarining 25-yilligi munosabati bilan amalga oshirilmoqda, deb yozgan nashr.
