TOShKENT, 27 fev — Sputnik. Ilgariroq tovuq boqish orqali qanday qilib millionerga aylanish haqida tavsiyalarni berib o‘tgan edik.
Endi esa Mehnat vazirligi tomonidan tayyorlangan rolikda limon yetishtirish foydalari haqida tavsiyalarni keltirib o‘tamiz.
Rolikda O‘zbekiston sharoitida Meyer, Toshkent, Yubileyniy, Jenoa va Vulkan navlari yetishtirilishi aytilgan.
"1 tup limon ko‘chatidan hosildorlik 60-70 kg, 12 tupdan 800 kg.ni tashkil qilinadi (1 kg limon — 5000 so‘m). 1-yilda 1 sotix limonariyadan 5 million so‘mdan ortiq daromad qilish mumkin, 1 sotix limonariya xarajatlari 1 million so‘m, demak sof foyda 4 million so‘mni tashkil qiladi. Tomorqa 7-8 sotix bo‘lgan holatda esa bu limonariyadan 1-yilda 25-30 million so‘m daromad olish mumkin", deyiladi videoxabarda.
Qo‘shimcha ma’lumotlarni tomorqa.mehnat.uz saytidan olishingiz mumkin.
