TOShKENT, 10 fev — Sputnik. Andijon viloyati Baliqchi tumanining jinoyat ishlari bo‘yicha sudi Andijon viloyati IIB YHXB yo‘l-patrul xizmati inspektori, kichik serjantni 10-yilga ozodlikdan mahrum etdi. Bu haqda "Na postu" gazetasiga tayangan holda kun.uz nashri xabar berdi.
Nashrda yozilishicha, Bunyodbek Qulmatov ismli inspektor o‘z xizmat vazifasini bajarayotgan chog‘da "Lasseti" rusumli avtomashinada yo‘l harakati talablariga javob bermay, tezlikni oshirgan va oqibatda qarama-qarshi yo‘lga chiqib ketib "Neksiya" rusumli mashina bilan to‘qnashib ketgan.
Hodisa oqibatida "Neksiya" haydovchisi – Marg‘ilon shahridan bo‘lgan I.Mirzajonov va Namangan viloyatining Norin tumanilik Yo.Salimov vafot etgan.
Sud hukmi bilan Bunyodbek Qulmatov O‘zbekiston Respublikasi JKning 266 moddasi uchinchi qismi "a" bandi bilan aybdor deb topilib, 10-yilga ozodlikdan mahrum etildi, deyiladi xabarda.
