TOShKENT, 9 fev — Sputnik. Tizza bo‘g‘imi deformatsiyalanuvchi osteoartrozini davolash uchun qurilma ixtiro qilindi, deb xabar berilgan O‘zbekiston Respublikasi Intellektual mulk agentligi rasmiy saytida.
12 Yanvar 2017, 18:51
"Bir guruh o‘zbek ixtirochilari tomonidan tizza bo‘g‘imi deformatsiyalanuvchi osteoartrozini davolashga mo‘ljallangan qurilma yaratildi. Ushbu qurilma ixtiro tibbiy texnika, travmatologiya, ortopediya, tizza bo‘g‘imining ravon bukilishi/yozilishini ta’minlaydigan fizioterapevtik qurilmalarda qo‘llaniladi", — deyilgan xabarda.
Olimlarning ko‘zlagan maqsadlari qurilmaning funksional imkoniyatlarini va undan foydalanishda qulayliklarni oshirishdan iborat bo‘lganligi ta’kidlangan.
Hammualiflar — Abdullajanov Baxrom, Rustamjonov Abdurashid, Madumarova Maxfuza, Axmadaliyeva Umidaxon va Axmedova Sevaraga ushbu foydali model ixtirosi uchun № FAP 01163 raqamli patent berilgan.
