TOShKENT, 8 fev — Sputnik. Bugun, 8-fevral kuni soat 15:30 atrofida Toshkent shahrining Jomiy ko‘chasida joylashgan Qurilish mollari bozorida katta yong‘in kelib chiqdi, Qalampir.uz xabari asosida.
Ma’lumotlarga qaraganda, yong‘in bozorning birinchi rastasidagi do‘konlardan birida kelib chiqqan. Alanga olti do‘konni qamrab olishga ulgurgan. Do‘konlarda biri taxta eshiklar, ikkinchisida esa plastik eshik va romlar bilan savdo qilishi aytilmoqda. Qolgan 4 do‘konda esa — turli maishiy xo‘jalik mollari sotilgan.
Voqea joyiga Yong‘in xavfsizligi xizmati hamda tez tibbiy yordam xodimlari yetib kelgan. O‘t o‘chirish ishlari hali ham davom etmoqda.
Taxminlarga ko‘ra, yong‘in do‘konlardan biridagi elektr tarmog‘i orqali chiqqan.
