TOShKENT, 2 fev — Sputnik. O‘tgan yil O‘zbekistonda noqoniy faoliyat yuritayotgan taksichilardan 26,6 milliard so‘m jarima undirildi, deb xabar qilmoqda Sputnik muxbiri.
O‘zbekiston Transport vazirligi vakillari YHXB xodimlari bilan birgalikda o‘tkazgan tekshiruvlari natijasida 21 721 ta bayonnoma tuzilgan va ular tegishli davlat organlariga yuborilgan. Undan tashqari 487 litsenziyalar muddati cheklangan, 150 litsenziya sud qaroriga asosan to‘xtatilgan va 23 tasi butunlay bekor qilingan.
Ko‘rilgan ushbu choralar natijasida, qonuniy taksichilik bilan shug‘ullanuvchilar soni keskin oshgan. Taksichilik faoliyati bilan shug‘ullanishni istagan tashkilotlardan 3000 ta ariza kelib tushgan. Berilgan litsenziya kartochkalari soni esa 200 mingdan oshgan.
Eslatib o‘tamiz, O‘zbekistonda noqonuniy taksichilik uchun jarima jismoniy shaxsalarga — 10dan 100 minimal ish haqigacha yetishi mumkin.
