TOShKENT, 13 yanv — Sputnik. Opa-singil Bushlar Barak Obamaning qizlariga xat yozdi, deb xabar tarqatmoqda RIA Novosti.
"Endilikda sizlar sobiq prezidentlar farzandlari klubiga a’zo bo‘lishingiz kerak — bu sizlar intilmagan pozitsiya", — deyilgan maktubda.
"Biz Mahfiy xizmat bilan aloqalarni saqlab qolganmiz. Xizmat xodimlari bizning ulg‘ayishimiz guvohi bo‘lishgan: birinchi uchrashuvlar, unashtiruv marosimi, asal oyi… Hayotda hammasi ham oson kechmasligini bilamiz — sizlar ham, xuddi biz singari bu odamlar tinmay ta’qib qilgan o‘smir bo‘ldingiz. Lekin ular sizlar uchun o‘z hayotini xavf ostiga qo‘ygan", — deya ta’kidlaganlar Barbara va Jenna Bush.
Qizlar o‘z maktublarida Obamaning qizlari Oq uy tomonidan qilingan kuchli bosimni boshdan kechirishgani, notanish odamlardan o‘z ota-onalari nomiga yog‘dirilgan tanqidlarni eshitishga majbur bo‘lishgani haqida ham aytib o‘tganlar.
20 yanvar kuni AQShning yangi saylangan prezidenti — Donald Trampning inauguratsiyasi bo‘lib o‘tadi. Xuddi shu kuni Barak Obama va uning oilasi Oq uyni tark etadilar.
