TOShKENT, 20 dek – Sputnik. O‘zbekiston prezidenti Shavkat Mirziyoyev 19-dekabr kuni "Prokuratura organlari xodimlari kunini belgilash to‘g‘risida"gi qonunni imzoladi, deb xabar beradi mahalliy OAV.
Mazkur qonun Mirziyoyev o‘z lavozimiga kirishgandan so‘ng imzolagan birinchi hujjat hisoblanadi.
Qonun 13-dekabr kuni Toshkentda Oliy Majlis Senatining sakkizinchi yalpi majlisida qabul qilingan edi.
1992 yil 8-yanvar kuni "O‘zbekiston Respublikasi prokuraturasi organlari to‘g‘risida"gi O‘zbekiston Respublikasi prezidentining farmoni qabul qilingan.
Qonunga ko‘ra, "O‘zbekiston Respublikasi prokuraturasi organlari to‘g‘risida"gi O‘zbekiston Respublikasi prezidentining farmoni qabul qilingan sana — 8-yanvar Prokuratura organlari xodimlari kuni deb belgilandi.
