Atambayev qirg‘iz amaldorlarining noqonuniy mol-mulklarini tortib olmoqchi

TOShKENT, 9 dek — Sputnik. Qirg‘iziston prezidenti Almazbek Atambayevga ko‘ra, bordiyu mansabdor shaxs o‘z daromadi va mol-mulkining qonuniyligini isbotlash imkoniga ega emass ekan, ularni davlat foydasiga musodara qilmoq kerak. Sputnik Qirg‘iziston xabariga ko‘ra.

Xalqaro korrupsiyaga qarshi kurash kuni munosabati bilan so‘zlagan nutqida, Qirg‘iziston prezidenti, shuningdek, keyingi yillarda rasmiy Bishkek davlat boshqaruvi tizimida korrputsiyani tomiri bilan sug‘urib tashlash uchun jiddiy harakatlarni amalga oshirganini aytib o‘tgan.

"Davlat xizmatchilari daromad manbaini tekshirish uchun maxsus mexanizmlarni yaratish muhim ahamiyatga ega. Bordiyu, mansabdor shaxs o‘z daromadi va mol-mulkining qonuniyligini isbotlash holatida emas ekan, ularni davlat foydasiga musodara qilmoq kerak. Zero, shu bilan to‘planib qolgan ijtimoiy masalalarimiz o‘z yechimini topsa", — deb aytgan Atambayev.

Qirg‘iziston prezidenti davlat organlari maksimal darajada shaffof holatga keltirish uchun qo‘ldan kelgancha harakat qilish kerakligini qo‘shimcha qilgan.

"Bularning barchasi fuqarolarimizning davlat institutlariga bo‘lgan ishonchini qaytarish uchun kerak", — deb aytgan Atambayev.

Eslatib o‘tamiz, Qirg‘izistonda barcha davlat xizmatchilari daromad deklaratsiyasini to‘ldirishlari shart etib belgilangan.