Toshkentda sodir bo‘lgan dahshatli YTH yana bir kishining hayotiga nuqta qo‘ydi

© Voditeli TashkentaToshkentda yuz bergan mudhish avariya
Toshkentda yuz bergan mudhish avariya - Sputnik O‘zbekiston
Obuna bo‘lish
1 dekabr kuni Toshkent shahrida sodir bo‘lgan dahshatli avariya oqibatida "Lacetti" haydovchisi - 22 yoshli TATU talabasi halok bo‘lgan edi

TOShKENT, 3 dek — Sputnik. Avtohalokat Amir Temur shoh ko‘chasi, Toshkent teleminorasi qarshisida, soat taxminan 21:00 atrofida sodir bo‘lganligi haqida xabar bergan edik.

Toshkentda yuz bergan dahshatli avariya - Sputnik O‘zbekiston
TATU talabasi dahshatli YTH oqibatida halok bo‘ldi
Ma’lumotlarga ko‘ra, mudhish yo‘l-transport hodisasi piyodaning ehtiyotsizligi sabab kelib chiqqan. Yo‘l yuziga to‘satdan chiqib qolgan bee’tibor piyodani urib yubormaslik uchun "Lacetti" haydovchisi avtomobil rulini boshqa tarafga burgan va yo‘l chetidagi daraxt bilan to‘qnashgan. Katta tezlikda kelayotgan avtomobil daraxtga kelib urilishi natijasida tanib bo‘lmas holatga kelib qolgan.

Mashinani boshqarib kelayotgan 22 yoshli haydovchi esa voqea joyining o‘zida vafot etgan. U Toshkent davlat axborot texnologiyalari universiteti talabasi ekani aytilmoqda. Ma’lumotlarga qaraganda, Lacettida haydovchidan tashqari boshqa yo‘lovchi ham bo‘lgan. U og‘ir ahvolda shifoxonaga yetkazilgan.

Facebookdagi "Voditeli Tashkenta" guruhida xabar berilishicha, Lacetti yo‘lovchisi ham shifoxonada vafot etgan. Kecha piyodaning hayotini o‘z umri evaziga saqlab qolgan ikki yigitning dafn marosimi o‘tkazilgan.

Internet foydalanuvchilari yo‘l-transport hodisalari nafaqat haydovchining tezlikni oshirishi, balki mas’uliyatsiz piyodalarning yo‘l-harakati qoidalariga rioya qilmasligi oqibatida kelib chiqayotganini ta’kidlamoqda.

Yangiliklar lentasi
0