Islom hamkorlik tashkiloti yangi Bosh kotib nomzodini ko‘rib chiqadi

© MID UzbekistanaO‘zbekiston Tashqi ishlar vaziri Abdulaziz Kamilov va IHT bosh kotibi Iyad bin Amin Madani
O‘zbekiston Tashqi ishlar vaziri Abdulaziz Kamilov va IHT bosh kotibi Iyad bin Amin Madani - Sputnik O‘zbekiston
Obuna bo‘lish
Islom Hamkorlik Tashkiloti sobiq bosh kotibi Iyad Madaniy Misr prezidenti haqida aytgan latifasidan so‘ng, 1-noyabr kuni iste’fo bergan

TOShKENT, 15 noya — Sputnik. 2016-yilning 17-noyabr kuni O‘zbekiston Respublikasi delegatsiyasi Makka shahrida bo‘lib o‘tadigan Islom hamkorlik tashkiloti Tashqi ishlar vazirlari kengashining navbatdan tashqari sessiyasida ishtirok etadi, deb xabar qilmoqda O‘zbekiston TIV matbuot-xizmati.

Majlisda ko‘p tomonlama hamkorlikning dolzarb masalalari, jumladan IHT yangi Bosh kotibi nomzodini ko‘rib chiqish rejalashtirilgan.

"O‘zbekiston delegatsiyasining Makka shahriga tashrifi doirasida IHT Bosh kotibiyatida hamda boshqa davlatlar delegatsiyalari rahbarlari bilan qator uchrashuvlar o‘tkazish rejalashtirilgan. Mazkur uchrashuvlarda O‘zbekistonning tashkilot TIVKdagi raisligining ustuvor maqsadlarini amalga oshirish jarayoni hamda ikki tomonlama hamkorlikni mustahkamlash istiqbollari muhokama qilinadi", — deyiladi xabar matnida.

Iyad bin Amin MADANI - Sputnik O‘zbekiston
IHT bosh kotibi noo‘rin hazil tufayli iste’foga chiqdi
Alyansning sobiq Bosh kotibi Iyad Madaniy, Misr prezidenti haqida aytgan latifasidan so‘ng, 1-noyabr sanasida iste’fo bergan edi. Saudiya Arabistoni qirollikning ijtimoiy masalalar bo‘yicha vaziri Yusuf Bin Ahmad al-Usaymin nomzodini  alyans bosh kotibligiga ilgari surmoqda.

Eslatib o‘tamiz, IHT 1969-yilning sentabrida ijtimoiy, iqtisodiy va siyosiy sohalarda Islom birdamligini ta’minlash maqsadida tashkil etilgan. 2011-yilga qadar u Islom anjumani tashkiloti deb atalgan. Bugungi kunda IHTga a’zo mamlakatlar soni 57 taga yetgan. Rossiya 2005-yildan kuzatuvchi maqomiga ega.

Yangiliklar lentasi
0