TOShKENT, 13 noya — Sputnik. Mashhur akter Jeki Chan kinematograf oldidagi buyuk xizmatlari uchun "Oskar" mukofotiga sazovor bo‘ldi, deb xabar qilmoqda Amerika kinoakademiyasi o‘zining Twitter sahifasida.
Tantanali taqdimot marosimi Los-Anjelesda shanba kuni bo‘lib o‘tdi.
"Suratga olingan 200ta film va bir necha singan suyaklardan keyin "Oskar" meniki bo‘ldi", — dedi 62 yoshli akter mukofotni qo‘liga olarkan.
Ma’lumki, akter va rejisser Jeki Chan ko‘p filmlarida truklar, aktrobatik sakrashlar va jang sahnalarini, kaskaderlar yordamisiz, shaxsan o‘zi bajaradi.
Jeki Chan nafaqat komik va jang san’ati talantiga ega bo‘lgan akter, balkim ssenariy muallifi hamda qo‘shiqlar ijrochisidir. Jeki Chan akter sifatida 100dan ortiq filmlarda suratga tushgan.
"Oskar" mukofoti, shunigdek, amerikalik hujjatli film rejisseri Frederik Uayzman, britaniyalik montajer Enn Kouts va akterlar tanlash bo‘yicha rejisser Linn Stalmasterlarga ham taqdim etildi.
