TOShKENT, 15 okt — Sputnik. Ommaviy axborot-vositalari Rossiya rahbariyatiga uyushtirilishi rejalashtirilayotgan kiber-hujumlar haqida ma’lumotlarga ega bo‘ldi, deb xabar qilmoqda RIA Novosti.
Amerika razvedka boshqarmasida faoliyat yurituvchi ishonchli manbadan olingan ma’lumotlarga ko‘ra hujum Rossiya rahbariyatiga nisbatan uyushtiriladi.
Manbaga ko‘ra, muassasa tez orada to‘plashga muvaffaq bo‘lgan "ma’lumotlarni" Oq Uyga taqdim etishi darkor.
Rejalashtirilayotgan operatsiyaga doir ikir-chikirlar va uning muddati oshkor etilmayapti. Ammo nashrda yozilishicha, Markaziy Razvedka Boshqarmasi hozirdan "nishonlarni tanlashga va boshqa tayyorgarliklarni amalga oshirishga kirishgan". "Razvedka Boshqarmasi qo‘lida Rossiya rasmiylariga qarshi o‘ta qimmatli hujjatlar bo‘lishi mumkin", — deya taxmin bildirmoqda manba.
Ma’lumotlarga ko‘ra, Amerika Markaziy Razvedka Boshqarmasi Rossiyaning AQShda bo‘lib o‘tayotgan prezidentlik saylovlariga aralashuvi uchun shu tariqa "o‘ch" olmoqchi.
