TOShKENT, 27 sen — Sputnik. Qirg‘iziston Prezidenti Almazbek Atambayev Moskva shahridagi Markaziy klinik shifoxonasida davolanishni davom ettirapti, deb xabar qilgan Atambayevning matbuot xizmati rahbari Almaz Usenov o‘zining ijtimoiy tarmoqlardagi sahifasida. Sputnik Qirg‘iziston xabari asosida.
"Yurak aritmiyasini bartaraf etish maqsadida Rossiya Tibbiyot Fanlari Akademiyasi (RAMN) professori Amiran Revishvili jalb qilindi. Ayni vaqtda yurak urishi faoliyatining buzilishi bilan bog‘liq muammolar to‘laligicha bartaraf etilgan", — deb yozgan Usenov.
Usenov shuningdek, 2008-yilda o‘tkir zaharlanishdan so‘ng Turkiyada Atambayevning qizilo‘ngachini operatsiya qilishgani haqida eslatib o‘tdi.
Ma’lumotlarga ko‘ra, hozirda prezident ahvoli qoniqarli, deb baholanmoqda va u shu hafta oxirlariga qadar shifoxonadan chiqarilishi mumkin.
