TOShKENT, 24 sen — Sputnik. "O‘zbekiston havo yo‘llari" milliy aviakompaniyasi Belarusning "Belavia" aviatashuvchisi bilan havo yo‘llaridan birgalikda foydalanish (kod-shering) shartnomasini imzoladi, deb xabar qilmoqda "O‘zbekiston havo yo‘llari" MAK matbuot-xizmati.
"Ushbu hamkorlik ikkala aviakompaniya yo‘lovchilariga jozibador narxlarda sayohat qilish, shuningdek, Minsk orqali tranzit bilan Yevropa va MDHdagi yo‘nalishlarga, Toshkent orqali — Markaziy va Sharqiy Osiyo aeroportlariga uchilganda qulay tutash yo‘llardan foydalanish imkoniyatini taqdim etadi", — deyiladi xabar matnida.
Ayni paytda "O‘zbekiston havo yo‘llari" va "Belavia" o‘rtasida interlayn-kelishuv amal qiladi (u o‘z blanklarida hamkor aviakompaniya yo‘nalishlarida aviatashuvni rasmiylashtirish huquqini beradi), bundan tashqari, elektron interlayn joriy etilgan (elektron chiptalarning o‘zaro tan olinishi).
"Belaviya" aviatashuvchisi bilan Toshkent — Minsk — Toshkent yo‘nalishida kod-sher bitimi 2016-yilning 15-sentabridan beri amal qiladi, deya ta’kidlangan xabarda.
