TOShKENT, 20 sen – Sputnik. Turkiyaning Kayseri viloyati prokuraturasi muxolifatchi imom Fathulloh Gulenning 141 nafar tarafdorini hibsga olish haqida order berdi, ularni qo‘lga olish operatsiyasi o‘tkazilmoqda, deb xabar beradi RIA Novosti Hurriyet gazetasiga asoslanib.
Gumondorlar ro‘yxatida asosan o‘qituvchilar va shifokorlar qayd etilgan. Ularni hibsga olishga esa ularning Gulen tarafdorlari foydalanadigan By Lock shifrlangan dasturidan foydalanishlari asos bo‘lgan.
Hibsga olish operatsiyasi Kayseridan tashqari Turkiyaning yana 14ta viloyatida amalga oshirilmoqda.
16 iyulga o‘tar kechasi Turkiyada bir guruh isonchilar harbiy to‘ntarish qilishga urinishdi. Asosiy to‘qnashuvlar Anqara va Istanbulda bo‘lib o‘tdi. 246 fuqaro halok bo‘ldi, 2 mingdan ortiq kishi jarohatlandi, ison bostirildi.
Turkiya hukumati Gulenni to‘ntarishga urinishda aloqadorlikda aybladi va AQShdan uni topshirishni so‘radi. Gulenning o‘zi isonni qoraladi va o‘zining bunga aloqasi yo‘qligini bildirdi.
