TOShKENT, 5 sen — Sputnik. Jalalobod viloyatining Olabuqa tumanida chegarani noqonuniy kesib o‘tgan o‘zbekistonlik shaxs qo‘lga olindi, deb xabar berdi Sputnik Qirg‘iziston bosh vazir o‘rinbosari Jenishbek Razaqovning so‘zlariga tayanib.
Uning aytishicha, qoidabuzar 1-sentabr kuni O‘rta-To‘qay suv ombori hududida ushlangan.
"O‘zbekiston fuqarosi hozircha chegarani nima uchun noqonuniy ravishda kesib o‘tganini izohlagani yo‘q. Unga nisbatan tekshiruv tadbirlari olib borilmoqda", — ma’lum qildi Razaqov.
5 Sentabr 2016, 11:25
Qoidabuzar hududiy militsiya bo‘linmasida saqlanmoqda.
Ilgariroq O‘zbekiston huquqni muhofaza qilish organi xodimi chegarani noqonuniy kesib o‘tgani uchun qo‘lga olingandi. Unga nisbatan jarima solingan va qo‘yib yuborilgandi.
