TOShKENT, 5 sen – Sputnik. Rossiya prezidenti Vladimir Putin ertaga 6-sentabr kuni O‘zbekiston prezidenti Islom Karimov vafoti munosabati bilan hamdardlik bildirish uchun Samarqandga keladi.
Eslatib o‘tamiz, 3-sentabr kuni Islom Karimov ta’ziyasiga Rossiya Bosh vaziri Dmitriy Medvedev boshchiligidagi delegatsiya tashrif buyurgan edi. O‘shanda u Rossiya O‘zbekiston bilan barcha yo‘nalishlarda hamkorlikni davom ettrishga tayor ekanligini yana bir bor ta’kidlab o‘tgan edi.
O‘zbekiston birinchi Prezidenti Islom Abdug‘aniyevich Karimov 2-sentabr kuni, insult oqibatida vafot etdi. 3-sentabr kuni Samarqandda prezident bilan xayrlashuv va dafn etish marosimi bo‘lib o‘tdi. Unda minglab mahalliy aholi va 17 mamlkat delegatsiyalari qatnashdi.
