Rossiya prezidenti Blumberg agentligi muxbiri bilan bo‘lgan suhbatda, Kuril orollari muammosi va Ikkinchi Jahon urushi natijalarini qayta ko‘rib chiqishga bo‘layotgan urinishlar haqida gapirdi.
“Biz yer savdosi bilan shug‘ullanmaymiz, garchi Yaponiya bilan tinchlik shartnomasi tuzish masalasi o‘ta muhimdir. Biz yaponiyalik do‘stlarimiz bilan ushbu muammoning yechimini topishni juda ham istardik” dedi suhbat davomida Rossiya prezidenti Vladimir Putin.
Kuril orollari muammosi uzoq yillar davomida Rossiya va Yaponiya orasida tinchlik shartnomasi imzolanishiga xalal berib kelmoqda. Tokio 1855-yilgi shartnomaga asosan Iturup, Kunashir, Shikotan va Xabomai orollari Yaponiyaga berilishini talab qilmoqda. Moskva esa, ushbu orollar Ikkinchi Jahon uchushi natijalariga ko‘ra qonuniy ravishda SSSR tarkibiga, kirganini da’vo qilmoqda.
