TOShKENT, 5-iyul — Sputnik. Sputnik O‘zbekiston "Toshshaharyo‘lovchitrans"dan olgan ma’lumotga ko‘ra, ertaga soat 4gacha shahardagi barcha yo‘nalishlarda odatdagi tartibdan tashqari 2tadan avtobus yo‘lga chiqadi. Bu haqda avtobuslarda e’lon varaqalari joylashtirilgan.
Shuningdek, 6-iyul kuni Toshkent shahrida avtobus va metro tonggi soat 3:30dan ish boshlaydi. Bu haqda bugun metropoliten bekatlarida ovozli e’lon orqali ma’lum qilinmoqda.
Bundan oldinroq, Toshkent shahridagi masjidlarda Hayit namozi 2016-yilning 6-iyul kuni, tonggi soat 05:15da o‘qilishi ma’lum qilingandi.
