TOShKENT, 25 apr — Sputnik. Rossiya Sanoat va Savdo vazirligi Vladimir Putin topshirig‘i bilan Federal va regional hukumat va ular boshqaruvi ostidagi tashkilotlar uchun yagona aloqa standarti ishlab chiqarmoqda, deb yozadi RIA Novosti "Kommersant" nashriga asoslanib.
Nashr xabariga ko‘ra, Sanoat va Savdo vazirligi zamonaviy LTE, TETRA standartlarida aloqa qilish va yangi qabul qilinayotgan qonunlar asosida aloqa xavfsizligini ta’minlash imkoniga ega bo‘lgan aloqa standarti yaratishga kirishgan. Yuqoridagi talablarga eng yaqin darajada javob berish imkoniga ega bo‘lgan texnologiya bu – kognitiv radio texnologiyasidir (Cognitive Radio System, CRS) — deb hisoblaydi Sanoat va Savdo vazirligi.
CRS texnologiyasi mavjud bo‘lgan apparatlar va texnik uskunalar asosida, faqat dastur o‘zgartirish yordamida xavfsiz aloqa tizimi yaratish imkonini beradi. Hozir ushbu tizim Federal Xavfsizlik xizmati va Aloqa vazirligi tasdig‘idan o‘tmoqda.
Davlat muassasalari orasida yagona aloqa tizimi yaratish xavfsizlikni kuchaytirish va davlat tashkilotlarining o‘zaro aloqalari samaradorligini oshirishga xizmat qiladi.
